samedi 22 mars 2014

كيكة معلكة بكاوبيل

السلام عليكم ورحمة الله تعالى وبركاته
 حاجتنا 3 بيضات 4 خمارات بكية كاوبيل كاس الزيت كاس سنيدة كاس الماء 9 معالق كبار لفورص
 فكاسرول نوضعو كاوبيل الزيت الماء سنيدة نحرك الكل 
 نوضعوالخليط فوق النار مع التحراك حتى يبان لينا بدا يعقاد
غادين نحصلو على كريمة بهاد الشكل
  نوضعوهاعلى جنب  تبرد من بعد نقصو منها نصف كاس للتزيين 
 نطربو البيض 
 نضيفو ليه كريمة كاوبيل بعد ما تكون بردات مع التطراب

 ثم الدقيق

 نوضعو الخليط فمول معلف بورق المطبخ او مدهون بالزبدة مرشوش بالدقيق ندخلوها للفرن يكون سخون من قبل نقصو عليها لعافية 
 هذا شكلها مين طابت
 مين تبرد نوضعوها فطبق
 ندهنها بنصف كاس كريمة كاوبيل اللي حتافظنا بيه
 نحك فوقها الشكلاط الاسود ندخلها للثلاجة تبرد
وتقدم 
 هذا طريف منها
بالصحة و الراحة

mardi 4 mars 2014

عصير اللبن اللذيذ

السلام عليكم ورحمة الله تعالى وبركاته
حاجتنا نصف لتر اللبن بنانة 10 حبات فريز سنيدة اختيارية 
نطحن الكل فالخلاط الكهربائي
 ويقدم
بالصحة و الراحة

lundi 17 février 2014

كيكة بالياغورت و الحامض

السلام عليكم ورحمة الله تعالى وبركاته
 حاجتنا 3 بيضات ياغورت بنان 3 خمارات كاس قريب لعمارة الزيت كاس سنيدة ربع كاس عصير الحامض قشور حامضة محكوكة 2 كيسان وربع لفورص (حسب الخليط )
 فمولينكس نوضعو البيض الياغورت الزيت سنيدة عصير الحامض وقشورو نطحن الكل 
نوضعو الخليط فايناء نضيفو ليه لخمارات مع الدقيق شوية بشوية 
 حتى نحصلو على عجين رطب 
نقسم العجين على 2
  النصف الابيض نوضعوه كطبقة اولى فمول مدهون بالزبدة مرشوش بالدقيق 
 و النصف الثاني نضيفو ليه شوية كاوبيل او(كاكاو) شكلاط مقطع طريفات صغار نخلط الكل 
 نوضعوه فوق الطبقة البيضاء 
ندخلو لمول لفرن يكون سخون من قبل نقصو عليه لعافية 
 هذا شكل لكيك مين طاب 
 تزين بالشكلاط الاسود و الابيض 
وتقدم
بالصحة و الراحة

vendredi 14 février 2014

رغيفات مالحين بطريقة سهلة

 السلام عليكم ورحمة الله تعالى وبركاته
 طريقة التحضير مثل الموجودة في هذا الرابط http://oumdouae.blogspot.com/2013/07/blog-post_5760.html
ندهن الرغيفة بصلصة لكيتشب 
نوضعو فوقها فلفة خضرا مقطعة مربعات صغار زيتون مقطع طون زعتر محكوك تقطع مربعات
 نوضعوهم فطاوة مدهونة بالزبدة نغطيو عليهم يخمرو 
 ندخلوهم لفرن مين يطيبو نحكو فوقهم لفروماج نوليو نرجعوهم للفرن غي يذوب لفروماج نخرجوهم 
ونقدمهم
بالصحة و الراحة

mercredi 12 février 2014

كيكة لكسكاس

السلام عليكم ورحمة الله تعالى وبركاته
حاجتنا بيضة كاس قريب لعمارة عصير البرتقال نصف كاس  سنيدة ربع كاس الزيت قشوربرتقالة محكوكة خمارة الحلوى كاس وربع الدقيق (حسب الخليط)
 فمولينكس نوضعو بيضة +الزيت عصير البرتقال وقشورها سنيدة نخلط الكل نضيف في الاخير الدقيق مع الخمارة نوضعو الخليط فكؤوس مدهونين بالزبدة مرشوشين بالدقيق او فناجين القهوة او زليفات نوضعوهم فكسكاس نكونو وضعنا الماء غليان فلبرمة 
 نغطيو لكسكاس بثوب باش ما يقطرش البخار على لكيك ونغطيوه بغطاء البرمة نوضعوها فوق النار لمدة نصف ساعة
 هذا شكل لكيك مين وجد 
التزيين حسب الرغبة
استعملت كريمة البرتقال (كاس قريب لعمارة عصير البرتقال اصفر بيضة معلقة صغيرة الزبدة معلقة صغيرة بودرة كريم باتيسيير معلقة كبيرة سنيدة نخلط الكل فكاسرول نوضعوه فوق النار مع التحراك حتى تعقاد) رشيت من فوق الشكلاط الابيض و الاسود محكوكين 
بالصحة و الراحة

مخمار معمر بكلمارو الاخطبوط

السلام عليكم ورحمة الله تعالى وبركاته
طريقة التحضيرمثل الموجودة في هذا الرابط http://oumdouae.blogspot.com/2013/03/blog-post_459.html
بالنسبة للعمارة نشلظو بصلة نوضعوها فمقلاة فوق النارمع وريقات موسى شوية زيت
 لعود مين تذبال نضيف ليها فلفلة خضرا مقطعة مربعات 
 ثم نضيف شوية لكلمار و الاخطبوط مقطعين رقاق  شوية ملح ابزارربيع مقطع تحميرة نغطي على لكل
 مين يطيب الخليط نضيف ليه زيتون مقطع ونخليوه على جنب حتى برد 
 نعمرو لمخيمرات دياولنا نغطيو عليهم يخمرو
 من بعد نخبزوهم ونقدموهم
بالصحة و الراحة

mercredi 5 février 2014

بغرير بدون تخمير

السلام عليكم ورحمة الله تعالى وبركاته
المقادير اللي غادين نحتاجو 3 كيسان السميدة 4 كيسان الماء دافي 3 خمارات شوية الملح معلقة كبيرة الدقيق نوضعو الكل فسوبيرة نخلطوه بيدينا من بعد نطحنوه فمولينكس نوضعو مقلة اللي متتلصقش فوق النار تسخن مباشرة نبداو نخبزوه (على نار مهيلة)

 هذا شكله من وجد 
 ثم نقدمه على هاد الشكل مدهون بزيت العود
 او على الشكل مدهون ومرشوش من فوقو لحلاوة مع الزبيب ولكركاع
بصحتكم او راحتكم